يبرق مع العصاعيص يا حبي
تحتك دهن شرحــــات متخبي
والتوم نيفا انسـاب واتسوسح
والريحة آاخ , ولي على قلبي
والزفرة عم تلمع على خــدودك
اي أبوس روحك قولــة الحلبي
والمرقة عم تنضح بحامضهــا
وعم ينقف الهبّال على عصبي
وكم يبرقاية اتفزرّت واتسقسقت
وانبحتت الرزات على دربــــي
يا يبرق الأحرار كرمــــالـك أنا
بفخر بكوني مواطنٌ عربــــــي
جاية عبالي قول: أنـــــا بحبك
بكل اللغات الشرقي والغربي
يلله استوي وحققلي أحلامي
قد ساف قلبي في لظى اللهبِ
لقد استوى يا فرحتي وسـعدي
ياعرسي يا أنسي وَ يـا طربي
هاتـــوا الخبز والطنـجرة كلهــــا
وبعدولي مــــــــا بدي حدا جنبي
لا خيِّ لا أختي لا جدي لا ســـــتي
لا عمي لا عمتي لك لا أمي لا أبي
عم بمضغ العصعوص واليبرق سوا
شو هالنعيم هــــادا يـــــــــــــــــاربي
اذا رحـــت فيهــــا بـــــعـــد هالأكلة
ذنبك يـَأمي هيدا ......... مش ذنبي
